სელტა
2-2
რეალი

22.09.2018 22:45
სტადიონი: MONTILIV
ლალიგა
N
კლუბები
1
ბარსელონა
18
9
2
ესპანიოლი
17
9
3
ალავესი
17
9
4
სევილია
16
9
5
ატლეტიკო
16
9
ბომბარდირები
N
ფეხბურთელები
1
მესი
29
2
რონალდუ
23
3
სუარესი
23
4
გრიზმანი
17
გამოკითხვა

თქვენი აზრით - უნდა მიმდინარეობდეს, თუ არა madridistebi.com-ზე სტატიებისა და კომენტარების წერა ქართულად???

FACEBOOK
ვინ უფრო მაგარია ნეიმარი თუ რონალდო? - ორივე 5 თებერვალს დაიბადა
ვინ უფრო მაგარია ნეიმარი თუ რონალდო? - ორივე 5 თებერვალს დაიბადა
5-02-2018, 18:31
423 / 0
თანამედროვე ფეხბურთის ორ ვარსკვლავს 5 თებერვალს დაბადების დღე აქვს.

როგორც უკვე გაუწყევთ ნეიმარმა პარიზში მოაწყო წვეულება და საკუთარი 26-ე დააბდების დღეს ვარსკვლავების გარემოში შეხვდა.

ნეიმარმა დაბადების დღეზე 200-მდე ადამიანი დაპატიჟა

ხოლო მეორე ფეხბურთელი პორტუგალიელი კრიშტიანო რონალდოა, რომელსაც 33 წელი შეუსრულდა.

ადრე თუ მსჯელობა იმაზე მიდიოდა, რომელი უფრო მაგარია? კრიშტიანო თუ მესი? დღევანდელი დღე კი ნეიმარისა და რონალდოს შედარების უფლებას გვაძლევს, რადგან რონალდოსა და მესის წასვლის შემდეგ სამეფო ტახტს დიდი ალბათობით სწორედ ბრაზილიელი ფეხბურთელი დაიკავებს.

გადავავლოთ თვალი როგორ ვითარდებოდა ნეიმარის
კარიერა, რონალდოსთან მიმართებაში.

დებიუტი
ნეიმარის დებიუტი პროფესიონალურ ფეხბურთში "სანტოსის" მაისურით "ოესტეს" წინააღმდეგ მატჩში 2009 წლის მარტში შედგა. მაშინ ბრაზილიელი 17 წლის და ერთი თვის იყო.

კრიშტიანო რონალდოს დებიუტი "სპორტინგის" მაისურით 2002 წლის აგვისტოში შედგა, როცა ჩემპიონთა ლიგის მესამე საკვალიფიკაციო ეტაპზე მილანის "ინტერთან" მატჩში ის შეცვლაზე შევიდა. მაშინ რონალდო 17 წლის და 6 თვის იყო.

ასპარეზობა სამშობლოში
რონალდომ პორტუგალიურ პრიმერაში ერთი სეზონი 2002/2003 გაატარა. "სპორტინგის" მაისურით მან 25 მატჩში ითამაშა და 3 გოლი გაიტანა, ხოლო 2003 წლის აგვისტოში 18.5 წლის ასაკში ის "მანჩესტერ იუნაიტედში" გადავიდა. რონალდოს თამაშმა "მანჩესტერ იუნიატედთან" ამხანაგურ მატჩში "წითელი ეშმაკების" ვარსკვლავები იმდენად მოხიბლა, რომ ალექს ფერგიუსონი პორტუგალიელის ყიდვაში დაარწმუნეს.

ნეიმარმა ბრაზილია უფრო გამოცდილმა დატოვა. "სანტოსმა" ახალგაზრდა ვარსკვლავი "ბარსელონას" 2013 წლის ზაფხულში მიყიდა, როცა ის 21.5 წლის იყო. ევროპაში გამგზავრებამდე ნეიამარმა სოლიდური სტატისტიკა გაიკეთა სამშობლოში. მის ანგარიშზე 103 მატჩი და 54 გოლი იყო.

ევროპული ლიგები
ნეიმარმა "ბარსელონაში" 4 სეზონი ჩაატარა და ამ ხნის განმავლობაში 123 მატჩში 68 გოლი გაიტანა, ხოლო გასულ წელს ფრანგულ ლიგა 1-ში აგდავიდა 17 მატჩში უკვე 18 გოლი აქვს.

კრიშტიანო რონალდომ "მანჩესტერ იუნაიტედის" ღირსება 6 სეზონის განმავლობაში დაიცვა და 196 მატჩში 84 გოლი გაიტანა, ხოლო ესპანეთში პირველ ორ სეზონში 63 მატჩში 66 გოლი გაიტანა.

26 წლამდე კრიშტიანო რონალდომ 150 გოლი გაიტანა და 68 საგოლე გადაცემა გააკეთა ინგლისისა და ესპანეთის ჩემპიონატების 259 მატჩში, ხოლო ნეიმარს დღეისთვის 86 გოლი და 64 საგოლე გადაცემა აქვს ესპანეთისა და საფრანგეთის ჩემპიონატების 140 მატჩში.

თუმცა აღსანიშნავია ისიც, რომ ნეიმარი "ბარსელონაში" მთავარი მეგოლის ფუნქციას ვერ ითავსებდა ლიონელ მესისა და ლუის სუარესის გამო, რომლებიც თავადაც ოსტატურად ასრულებდნენ შეტევებს.

ნაკრები
ობიექტურად რომ ვიმსჯელოთ, რონალდოსთვის პორტუგალიასთან ერთად რაიმე ტიტულის მოგება უფრო რთულია, ვიდრე ნეიმარს ბრაზილიასთან ერთად, რადგან ბრაზილიელ ფეხბურთელთა დონე საგრძნობლად მაღალია.

რონალდომ 26 წლამდე ნაკრების მაისურით 80 მატჩი ჩაატარა, სადაც 26 გოლი გაიტანა და 20 საგოლე გადაცემა გააკეთა.

ნეიმარს კი ანგარიშზე 83 მატჩში 53 გოლი და 36 საგოლე გადაცემა აქვს. რონალდომ ევროპის ჩემპიონატი მოიგო, ნეიმარს მხოლოდ 2016 წლის ოლიმპიადის მედალი აქვს.

საკლუბო და ინდივიდუალური ტიტულები
რას მიაღწია ნეიმარ საკლუბო დონეზე? "სანტოსის" რიგებში მოიგო: ბრაზილიის თასი (2010), ლიბერტადორესის თასი (2011). "ბარსელონასთან" ერთად მოიგო: ესპანეთის ჩემპიონატი (2015, 2016), ესპანეთის თასი (2015, 2016, 2017), ჩემპიონთა ლიგა (2015). ფინალში 23 წლის ბრაზილიელმა "იუვენტუსს" გაუტანა.

მაგ დროისთვის კი რონალდოს ანგარიშზე სამი მოგება იყო "მანჩესტერ იუნაიტედთან" ჩემპიონატში (2007, 2008, 2009). ასევე მან მოიგო ინგლისის თასი (2004), ინგლისური ლიგის თასი (2006, 2009). "რეალთან" ერთად კი ესპანეთის თასი (2011) მოიგო.

23 წლის ასაკში რონალდო ჩემპიონთა ლიგის გამარჯვებული გახდა, 2008 წლის მაისში "მანჩესტერ იუნაიტედმა".

ჩემპიონთა ლიგაში სტატისტიკა ამჯერად ნეიმარისკენ იხრება. ამ დროისთვის მას 46 მატჩი აქვს ჩატარებული, სადაც 27 გოლი გაიტანა და 24 საგოლე გადაცემა გააკეთა. პორტუგალიელს 26 წლის ასაკში კი 70 შეხვედრაში ჰქონდა მიღებული მონაწილეობა, სადაც 28 გოლი გაიტანა 15 საგოლე გადაცემა გააკეთა.

ინდივიდუალურ ჯილდოებს რაც შეეხება, 26 წლის კრიშტიანო რონალდო ნეიმარს ფორასაც კი მისცემდა. რონალდომ თავისი პირველი "ოქროს ბურთი" 2008 წელს მიიღო, ხოლო შემდეგი სამი სეზონი ორჯერ იყო მეორე ლიონელ მესის შემდეგ.

ნეიმარს კი "ოქროს ბურთი" ალბათ თუ დაესიზმრება. ნეიმარი მესამე იყო 2015 და 2017 წლებში რა თქმა უნდა რონალდოსა და მესის შემდეგ. გარდა ამისა რონალდო აღიარებული იყო საუკეთესო ფეხბურთელად ფიფას მიერ, ასევე იყო ჩემპიონთა ლიგის საუკეთესო ფეხბურთელი, პრემიერლიგის საუკეთესო ფეხბურთელი ორჯერ, მოიპოვა "ოქროს ბუცი" ორჯერ (2008, 2011) და კიდევ უამრავი სხვა ტიტული ჰქონდა.

სატრანსფერო ღირებულება
კრიშტიანომ მხოლოდ ორჯერ გამოიცვალა კლუბი. "მანჩესტერ იუნაიტედმა" "სპორტინგიდან" ის 19 მილიონ ევროდ იყიდა, ხოლო "რეალს" 94 მილიონ ევროს მიყიდა.

ნეიმარის ტრანსფერში კი "ბარსელონამ" "სანტოსს" ჯერ კიდევ ზუსტად რამდენი გადაუხადა არავინ იცის. Transfermarkt კი 88.2 მილიონ ევროს ასახელებ. ოთხი წლის შემდეგ კი პსჟ-მ "ბარსელონას" ნეიმარში 222 მილიონი ევრო გადაუხადა, რაც ამ დროისთვის მსოფლიო რეკორდია.
ინფორმაცია
მომხმარებლის ჯგუფში სტუმარი, არ შეგიძლიათ დატოვოთ კომენტარი.